पोखरा । नेकपा एमाले उपमहानगर पृथ्वीसुव्वा गुरुङले निष्ठान् कार्यकर्ता देशैभरि एमालेमा फर्किनेक्रम जारी रहेको बताएका छन् ।

आँधीखोला पोखरा सम्पर्क मञ्चद्वारा पोखरामा सोमबार आयोजित कार्यक्रममा बोल्दै एमाले प्रचार विभाग प्रमुख एवं गण्डकी प्रदेशका पूर्व मुख्यमन्त्रीसमेत रहेका एमाले नेता गुरुङले सो कुरा बताएका हुन् ।

उनले प्रतिक्रियावादीको भ्रमको पर्दा बिस्तारै च्यापिंदै गएको आरोप लगाउँदै एमालेको नीति र विचारमा कुनै खोट नभएको दाबी गरे ।

माधव नेपालले नेतृत्व गरेको पार्टीको कुनै विचार नभएको र विचारविहीन पार्टी क्रमशः दक्षिणपन्थी भासमा भासिंदै गएको उनले आरोप लगाए । उनले विचारबिनाको भुत्ते पार्टीको कुनै अर्थै नहुने भएकाले सम्पूर्ण एमाले प्रेमीलाई घर फर्कन आग्रह गरे ।

सो अवसरमा नेकपा एस स्याङ्जाका सचिव एवं गण्डकी प्रदेश सदस्य टीकाराम नेपाली, सोही पार्टीका गण्डकी प्रदेश समिति सदस्य नेत्रबहादुर थापासहित नेकपा एस अनेरास्ववियुका केन्द्रीय उपमहासचिव मेघनाथ चापागाईं लगायत एमालेमा प्रवेश गरेका थिए । उनीहरुलाई उपमहासचिव एवं एमाले प्रचार विभाग प्रमुख पृथ्वीसुब्बा गुरुङ, केन्द्रीय सदस्य सीता सुन्दास लगायतले स्वागत गरेका थिए ।