पोखरा, १९ बैशाख । गठबन्धनतर्फबाट पोखरा १७ का उम्मेदवारले सोमबारबाट घरदैलो अभियान थालेका छन् । कांग्रेसबाट अध्यक्ष उम्मेदवार देवराज आचार्यसहित सदस्यका उम्मेदवार घरदैलोमा सहभागी भए ।

‘गठबन्धनले यो पटक पोखरा १७ मा जसरी पनि जित निकाल्ने कुरामा हामी ढुक्क छौँ । एमालेको गढ भनेर दाबी गरिए पनि यो पटक गठबन्धनले त्यो गढ भत्काएरै छाड्छ’ अध्यक्षका उम्मेदवार आचार्यले भने–‘एमालेका यसभन्दा अगाडिका जनप्रतिनीधिले गरेका अनियमितताले नै उनीहरुको गढ भत्काउने निश्चित छ ।’

घरदैलोमा उम्मेदवारसहित काँग्रेसका नेता गुरु बराल पनि सहभागी छन् । बरालले यो पटक पोखरा १७ मा गठबन्धनले चुनाव जित्ने कुरामा कुनै शंका नरहेको प्रस्ट पारे । ‘त्यसो त यो पटक गठबन्धनकै बलले चुनाव जित्नेमा हामी ढुक्क छौँ ।

सोमबार भ्याङलुङखोलाबाट सुरु भएको घरदैलो कार्यक्रम सिमलटुंडा हुँदै वाराही टोल पुल्चोक, भयरनाथ देखि नागेश्वर मार्ग वेलघारी, शीतलचौतारी, रत्यौली (आहालमार्ग) हुँदै पश्चिम दुर्गा मन्दिरसम्म पुगेको थियो ।

अध्यक्षमा देवराज आचार्यसहित सदस्यमा विक्रम भण्डारी, गोबिन्द बराल, रञ्जिता सुवेदी र शोभा विश्वकर्माले उम्मेदवारी दिएका छन्।