पोखरा । नेपाली कांग्रेस पोखरा १२ ले घरदैलो कार्यक्रमलाई तीव्रता दिएको छ । घरदैलो कार्यक्रममा मतदातालाई पोखरा १२ का वडा अध्यक्षका उम्मेदवार सन्तोष बास्तोलाले आफू वडा अध्यक्षमा निर्वाचित भएमा वडाका अधुरा कामलाई प्राथमिकता दिँदै सम्पन्न गर्न निरन्तर लागि रहने बताउँदै मतदातासँग गरिएका वाचा पूरा गर्ने बताए ।

पोखरा १२ को पुरानो धारादेखि पीपलडाली, सिटिभिटी, सफा मार्ग लगायतका ठाउँमा गरिएको घरदैलो कार्यक्रममा नेपाली कांग्रेसकी नेत्री सरस्वती गुरूङ कांग्रेस क्षेत्र न १ ख का सभापति कृष्ण कोइरालालगायत वडा सदस्यका उम्मेदवारहरू शान्ताबहादुर थापा, गोविन्दप्रसाद सिग्देल, शान्ति कोइराला, गोमादेवी परियारले मतदाता समक्ष लोकतन्त्रको रक्षाको लागि पनि कांग्रेस उम्मेदवारलाई विजयी बनाउन आग्रह गरे ।

नेपाली कांग्रेसले घरदैलो कार्यक्रमलाई तीव्रता दिएसँगै पोखरा १२ मा नेपाली कांग्रेसका उम्मेदवारप्रति मतदाताहरू निकै आकर्षित भएको अध्यक्षका उम्मेदवार बास्तोलाले बताए ।