पोखरा । संगम बचत तथा ऋण सहकारी संस्थाले नयाँ वर्षको सुरुआतसँगै मोबाइल बैकिङ सेवा सञ्चालनमा ल्याएको छ ।
संस्थाले आयोजना गरेको तेस्रो त्रैमासिक समीक्षा बैठकको अवसर पारेर आयोजना गरिएको एक कार्यक्रममा संस्थाका तर्फबाट अध्यक्ष निरज थापाले र फिन्याक सफ्टवेयर कम्पनीका तर्फबाट पोखरा कार्यालयका प्रबन्धक सन्तोष गौतमले सम्झौता पत्रमा हस्ताक्षर गरी मोबाइल बैंकिङ सेवा शुभारम्भ गरिएको छ ।
उक्त अवसरमा सेवाका बारेमा जानकारी दिँदै प्रबन्धक गौतमले बैंकहरुमा जस्तै मोबाइल बैंकिङ अन्तर्गत पर्ने सबै सुविधाहरु अब संगम सहकारीले पनि दिन सक्ने बताए । अब यस सहकारीका सदस्यहरुले घरमै बसिबसी बिजुली, पानी र टेलिफोनको पैसा तिर्न, मोबाइल रिचार्ज गर्न, सहकारी र बैंकका किस्ता तिर्न, आफन्तलाई रकम पठाउन, बस तथा जहाजको टिकट काट्न लगायतका कामहरु गर्न सक्नेछन् ।
संस्थाका अध्यक्ष निरज थापाले सबै विकृति विसंगतिलाई २०७८ सालसँगै बिसर्जन गरी भ्रमणको सिलसिलामा नयाँ वर्षको पहिलो दिन स्याङ्जा, पाल्पा र गुल्मीको संगमस्थल रुरुक्षेत्र धाम रिडीमा गंगाजल स्नान गरी सुरु गरिएको संगम सहकारीको अबको यात्रा नयाँ जोस र जाँगरका साथमा अझ पवित्र भावनाले सही बाटोतर्फ अगाडि बढ्ने कुरामा आफू विश्वस्त रहेको बताए । उनले नीति, विधि र प्रविधिमा चलेको सहकारीले नयाँ वर्षको सुरुआतसँगै मोबाइल बैंकिङ सेवा सुचारु गरेर प्रविधिको क्षेत्रमा महत्वपूर्ण फड्को मार्न सफल भएको र यस सेवाबाट धेरै सदस्य लाभान्वित हुने कुराले आफूलाई खुसी लागेको बताए ।
कार्यालय प्रमुख बृहस्पति अधिकारीद्वारा आर्थिक गतिविधि प्रस्तुत भएको उक्त समीक्षा बैठकमा उपस्थित सदस्यहरुले देशको वर्तमान परिस्थिति अनुसार सहकारी सञ्चालनमा सजगता अपनाउनु पर्ने कुरामा जोड दिएका थिए । उपाध्यक्ष नवराज तिवारीले स्वागत मन्तव्य राखेको उक्त बैठक सचिव धनराज पुरीले सञ्चालन गरेका थिए ।
Related News
सम्बन्धित समाचार
सुनौली–मुक्तिनाथ धार्मिक मार्ग यात्रा सुरू
‘वन्यजन्तु संरक्षणमार्फत पर्यापर्यटन बढाऔं’
कथा सुन्न भक्तजनको आकर्षण
कन्या क्याम्पसमा प्राध्यापकको बिदाइ
हेमराज पहारी स्मृति पुरस्कारबाट सरुभक्त पुरस्कृत
hero news full width
मुख्य समाचार
गण्डकी प्रदेश सभाको बैठक अनिश्चितकालका लागि स्थगित
चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१