पोखरा । पोखरा महानगर पालिका वडा नम्बर ६ मा नेपाली कांग्रेस, नेकपा माओवादी केन्द्र तथा नेपाल कम्युनिस्ट पाटी एकीकृतको संयुक्त प्रचारप्रसार कार्यलय स्थापना गरिएको छ । गठबन्धनले वडामा चुनाव अभियान सुरु गरेसँगै अभियानको पहिलो दिन गठबन्धनका साझा उम्मेदवारहरुको प्ररिचय गरिएको थियो ।

पोखरा महानगर पालिका ६ मा नेपाली काग्रेसको तर्फबाट निर्वतमान वडाध्यक्ष तथा अध्यक्षका प्रत्याशी जगतबहादुर पहारी, खुला सदस्य नेकपा माओवादीका तर्फबाट कृष्णप्रसाद आचार्य, खुला सदस्यमा नेपाल कम्युनिस्ट पार्टी एकीकृत समाजवादीका तर्फबाट विकास पहारी र महिला सदस्यमा नेपाली काग्रेसका तर्फबाट पवित्रा थापा र दलित महिला सदस्यका नेपाली काग्रेसको तर्फबाट शोभा जलारी चुनावी मैदान छन् ।

नेपाल कम्युनिस्ट एकिकृत समाजवादीका केन्द्रीय सल्लाहकार हरि पौडेलले केपी ओलीले तानाशाही शैलीमा नेपालको संविधान र प्रजातन्त्रमाथि आक्रमण गरेका कारण प्रजातन्त्र र संविधानको सुरक्षाको लागि ५ दल मिलेर गठबन्धन गर्नु परेको बताए ।

नेपाली कागे्रस प्रदेश प्रतिनिधि तथा पूर्व इकाइ सभापति दीपकवीर कुँवरले ५ दलीय गठबन्धनले मात्र प्रजातन्त्र र संविधानको रक्षा गर्ने हुनाले गठबन्धनका उम्मेदवारहरुलाई जिताउनु पर्ने बताए ।

प्रदेश महाधिवेशन प्रतिनिधि तथा पर्यटन व्यवसायी गणेशबहादुर भट्टराईले पोखरा पर्यटकीय क्षेत्र भएकाले पर्यटन विकास लागि गठबन्धन उम्मेदवारहरुले जित्नु पर्नेमा जोड दिए ।

नेकपा माओवादी केन्द्रका प्रदेश सदस्य तथा पर्यटन व्यवसायी अग्नि कँडेलले केपी ओलीको सरकारले दुई तिहाइ को जनमतलाई कदर नथरी भ्रष्टाचारमा लिप्त भएर संविधानको हरण गरेको कारण संविधानको रक्षाका लागि ५ दलीय गठबन्धन गर्नु परेको बताए ।

नेपाल कम्युनिस्ट पाटी एकीकृत समाजवादीका प्रदेश सदस्य ईश्वरी न्यौपाने, सोही पार्टीका वडा इन्चार्ज केदार न्यौपाने, नेपाली काग्रेस ६ निर्वतमान सभापति बलराम गिरी लगायतले उक्त अवसरमा बोलेका थिए ।

वडाध्यक्षका प्रत्यासी जगतबहादुर पहारीले आफ्नो कार्यकालमा वडाको विकास निर्माणका लागि महत्वपूर्ण योगदान गरेको बताए । संघ, प्रदेश र महानगरमा आफ्नो अनु्कुल सरकार नहुँदा भनेजस्तो काम गर्ने नपाएको गुनासो उनले सुनाए । आफुले अधुरा छोडेका कामहरुलाई पूरा गर्ने पनि गठबन्धनका उम्मेदवारलाई जिताउनु पर्ने उनको भनाए थियो ।

नेपाली कांग्रेस वडा नम्बर ६ का इकाई सभापति सन्तोष पौडेलले ५ दलीय गठबन्धनको पहिलो काम नेकपा एमालेलाई परास्त गराएर स्थानीय चुनावमा वडाको ५ सिट जित्ने अनि देश र जनताको भावना अनुकुल सेवा गर्नुपर्ने औंल्याए । कार्यक्रममा वडाका उम्मेदवारले ‘अबको वडाको निर्वाचनमा जसरी पनि ५ दलीय गठबन्धनले जित्ने विश्वास व्यक्त गरे ।