पोखरा । राष्ट्रिय प्रजातन्त्र पार्टी कास्कीले जिल्ला प्रवक्तामा युवा नेता अरुण गिरीलाई नियुक्त गरेको छ । पार्टीको जिल्ला कमिटी बैठकले उनलाई प्रवक्ता नियुक्त गर्ने निर्णय गरेको राप्रपा कास्की अध्यक्ष नारायण गुरुङले जानकारी दिए ।

पार्टीले अब जिल्लाको सम्पूर्णखाले सूचना र जानकारी प्रवक्तामार्फत दिइने पनि बैठकले निर्णय गरेको छ । अध्यक्ष गुरुङले गिरीजस्तो युवालाई पार्टीको जिल्ला प्रवक्ता नियुक्त गर्न पाउँदा आफू पनि निकै खुसी भएको बताए । लामो समयदेखि राप्रपासँग नजिक रहेका गिरी केही दिन अगाडि मात्रै औपचारिक रुपमा राप्रपा प्रवेश गरेका थिए ।

राप्रपा नेता अरुण गिरीले पार्टीले आफूलाई गरेको भरोषाले थप जिम्मेवार बनाएको प्रतिक्रिया दिए । ‘पार्टीले जुन विचार बोकेर अगाडि बढेको छ त्यसलाई सशक्त रुपमा स्थापित गर्ने मेरो लक्ष्य हुनेछ ।’ राप्रपा कास्कीको प्रवक्ता भैसकेपछि गिरीले भने, ‘राप्रपा लक्षित भ्रमहरु अन्य दल र वैचारिक संगठनहरुले जसरी नकारात्मक रुपमा फैलाइरहेका छन् । त्यो भ्रम चिर्नका लागि म सदैव लाग्नेछु । राप्रपा जनताको पार्टी हो र जनतालाई विकल्प दिन सक्ने पार्टी राप्रपा मात्रै हो भन्ने कुरा पुष्टी गर्ने गरि मैले काम गर्नेछु ।’