हेमजा । स्थानीय तह निर्वाचन नजिकिदै गर्दा अन्नपूर्ण ३ मा चुनावी सरगर्मी बढेको छ ।

जस अन्र्तगत नेकपा एमालेले शनिबार रयाले र मराउँचेमा घरदैलो गरेको छ । आइतबार सेराका घरघरमा पुगिने अध्यक्षका उम्मेदवार फणिन्द्रप्रसाद पौडेलले जानकारी दिए । उनले आफ्नो जीत सुनिच्चित रहेको दाबी गर्दै जनताले विकास खोजेको पनि औँल्याए ।

यता नेपाली कांग्रेसले पनि मराउँचेबाट निर्वाचन अभियान सुरु गरेको छ । अध्यक्षका उम्मेदवार डिल्लीराम पौडेल सो गाउँका घरघरै पुग्दै स्थानीय व्यक्तिलाई मत दिई जिताउनुपर्नेमा जोड दिए । त्यस्तै कांगेसले आइतबार निर्वाचन कार्यालय पनि उद्घाटन गदैछ ।

माओवादी केन्द्रका उमेद्वार पनि चुनावी अभियानमा व्यस्त छन् । उनीहरुले देउराली, भकारीडाँडा, पाउँदुरकोट लगायतमा स्थानमा घरदैलो गरिसकेका छन् । आफुहरु जसको निती उसकै नेतृत्व नाराका साथ चुनावमा होमिएका अध्यक्षमा प्रत्यासी विष्णुप्रसाद पौडेलले बताए ।

यता राष्ट्रिय प्रजातन्त्र पार्टीका उमेद्वार समराट गुरुङ र वडाध्यक्षका स्वतन्त्र उम्मेदवार डिलबहादुर क्षत्रीले पनि चुनावी गतिविधि तीब्र पारेका छन् ।