पोखरा । लुम्बिनी विकास बैंकले शनिबार पोखरामा वित्तीय जनचेतनामूलक प्रभातफेरी गरेको छ । बैंकको पोखरा क्षेत्र आसपास लगायत अन्य विभिन्न शाखाहरु तथा केन्द्रीय कार्यालयबाट समेत कर्मचारीहरुको सहभागितामा कार्यक्रम सम्पन्न गरिएको हो ।

बैंकको पोखरा न्युरोड शाखाबाट सुरु भएको प्रभातफेरी चिप्लेढुंगा, महेन्द्रपुल, नयाँबजार, पृथ्वीचोक हुँदै पुन न्युरोड शाखामा आएर सम्पन्न भएको थियो ।

बैंकको सञ्चालक समिति अध्यक्ष दशरथ रिसालले प्रभातफेरी उद्घाटन गरेका थिए । बैंकका प्रमुख कार्यकारी अधिकृत नरेशसिंह बोहराले सर्वसाधारणहरुमा वित्तीय पहुँचको विस्तार होस् भन्ने उद्देश्यले यस्तो कार्यक्रम गरिएको बताए ।

लुम्बिनी विकास बैंक लिमिटेडले आम सर्वसाधारणहरुमा वित्तीय पहुचको विस्तार होस् भन्ने उद्देश्यले विभिन्न वित्तिय साक्षरता सम्वन्धित जनचेतनामूलक गतिविधि गर्दै आएको छ ।

‘निरन्तर सहयात्रा’ नाराका साथ देशभरका विभिन्न शाखाहरुबाट ग्राहकहरुलाई उच्चस्तरीय, आधुनिक एवं नविनतम प्रविधिसहितको बैंकिङ सेवा प्रदान गर्दै आइरहेको सिइओ नरेशसिंह बोहराले बताए ।