पोखरा । एमाले पोखरा २१ ले वडामा पार्टीको निर्वाचन परिचालन कमिटी कार्यालय स्थापना गरेको छ ।

पार्टीका गण्डकी प्रदेश कमिटी सदस्य चन्द्रबहादुर रोकाहाको प्रमुख आतिथ्यतामा भएको कार्यक्रममा प्रदेश कमिटी सदस्य केशव आचार्य, जिल्ला कमिटी सदस्य अर्जुन गिरी लगायतले पोखरा २१ मा एमाले सबल, सक्षम र शक्तिशाली रहेको बताउँदै उक्त शानलाई जोगाउन जनमुखी काम गर्नुपर्ने बताए ।

वडाध्यक्षका उम्मेदवार दीपक सुवेदीले चुनाव जितेपछि सबैको साथ र सहयोगमा आगामी ५ वर्षमा २१ लाई नमुना वडा बनाउने बताए ।

वडा कमिटी अध्यक्ष तथा चुनाव प्रचार समिति संयोजक राजेन्द्र थापाको अध्यक्षतामा भएको कार्यक्रममा उपाध्यक्ष खगराज न्यौपानेको स्वागत र सचिव रोशन भट्टराईले संचालन गरेका थिए ।

यसैबीच, एमाले पोखरा २६ का उम्मेदवारले घरदैलो कार्यक्रम सुरु गरेका छन् । कार्यक्रममा एमाले संगठन प्रमुख खगराज अधिकारीले जसरी भए पनि एमाले नै जिताउन र गठबन्धनको औचित्य नभएको बताए । चुनाव प्रचार प्रचार समिति संयोजक रामचन्द्र तिमिल्सिनाले एमालेका सम्पूर्ण उम्मेदवारलाई जिताउनुको विकल्प नरहेको बताए ।

चुनाव प्रचार समिति संयोजक तथा पोखरा २६ वडा कमिटी अध्यक्ष रामचन्द्र तिमिल्सिनाको नेतृत्वमा घरदैलो सुरु भएको हो ।