पोखरा, १५ वैशाख । गठबन्धनमा असहमति जनाउँदै विरोधमा उत्रिएका पोखराका कांग्रेस कार्यकर्ताले प्रदेश कार्यालय तोडफोड गरेका छन् । आफ्नो वडामा अरू पार्टीलाई अध्यक्ष दिएको भन्दै पोखरा १८ र २४ का कार्यकर्ताले बिहीबार पार्टी कार्यालय घेराउ गर्दै तोडफोडमा उत्रिएका हुन् ।
उनीहरूले प्रदेश सभापति शुक्रराज शर्माको कार्यकक्षमा रहेको फर्निचर फुटाएका छन् । तोडफोडमा उत्रिएको भन्दै कास्की प्रहरीले २३ जनालाई पक्राउ गरेको छ । कांग्रेसबाट उम्मेदवारी दिएका उम्मेदवारलाई माथिको निर्देशन भन्दै फिर्ता लिन आग्रह गरेपछि कार्यकर्ता आक्रोशित भएका थिए ।
आफैले तोडफोड गरेको स्वीकारेका कारण उनीहरूलाई पक्राउ गरिएको कास्की प्रहरी प्रवक्ता प्रहरी नायव उपरीक्षक (डीएसपी) सुन्दर तिवारीले जानकारी दिए ।
दिउँसो पनि सत्तागठबन्धनतर्फबाट पोखराक मेयर–उपमेयर उम्मेदवारीले गरेको पत्रकार सम्मेलनमा समेत कांग्रेस कार्यकर्ताले नाराबाजी गर्दै विरोध जनाएका थिए । पोखरामा कुल ३३ वडामध्ये कांग्रेसले २२ र बाँकी वडा गठबन्धनका अन्य दले लिने निर्णय भएको थियो।
यसैबीच, गण्डकी प्रदेशस्थित सत्तासीन पाँचदलीय गठबन्धनले गठबन्धन दलभित्र यसअघि सहमतिका उम्मेदवारमात्र कायम राख्ने निर्णय गरेको छ । बिहीबार बसेको बैठकले गठबन्धन दलका तर्फबाट दिएका अन्य उम्मेदवारी वा गठबन्धन दलका सदस्यले दिएका स्वतन्त्र उम्मेदवारी फिर्ता गराउन सम्बन्धित दलले आवश्यक पहल गर्नुपर्ने निर्देशन दिएको छ ।
बैठकमा कग्रेस गण्डकी प्रदेश सभापति शुक्रराज शर्मा, माओवादी केन्द्रकी प्रदेश अध्यक्ष गायत्री गुरुङ, नेकपा (एकीकृत समाजवादी) का प्रदेश अध्यक्ष केशवलाल श्रेष्ठ, जसपाका प्रदेश अध्यक्ष मोती रिजाल र राष्ट्रिय जनमोर्चाका प्रदेश अध्यक्ष शंकर बराल सहभागी थिए । उनीहरूले संयुक्त विज्ञप्ति जारी गरेका छन्।
Related News
सम्बन्धित समाचार
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
पाेखरा नयाँबजारमा श्रीमद्भागवत् ज्ञानमहायज्ञ जारी
सुदुरपश्चिममा सोडारी मुख्यमन्त्री नियुक्त
प्रेमील गजलकारको भावपूर्ण बिदाइ
hero news full width
मुख्य समाचार
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१कामचलाउ मुख्यमन्त्री अधिकारी विश्वासको मत लिने तयारीमा
वैशाख ४, २०८१