पाेखरा । गण्डकी प्रदेशमा १ महानगर सहित ८५ पालिका छन् । महानगर सहित २७ नगरपालिकाको मेयरमा १ सय ५७ जनाको उम्मेद्वारी दर्ता भएको छ । उपमेयरमा भने ९२ जना मात्रै छन् ।

५८ गाउँपालिकको नेतृत्वका लागि १९७ जनाले उम्मेद्वारी दिएका निर्वाचन आयोगले जनाएको छ । उपाध्क्ष बन्न भने १ सय ५६ को मात्रै उम्मेद्वारी छ ।
यस्तै, यहाँका ७५९ वडाहरुको अध्यक्षका लागि १ हजार ५ सय ८८ जनाले मनोनयन दर्ता गरेका छन् ।

महिला सदस्यमा १ हजार ७९, दलित महिला सदस्यमा ९ सय ६८ र दुई खुला सदस्यका लागि २ हजार ३ सय ५६ जनाको मनोनयन परेको छ । समाचार तयार पार्दासम्म गण्डकीमा कुल ६ हजार ५ सय ९३ जनाले मनोनयन दर्ता गराएका हुन् । त्यसपछि पनि मनोनयन प्रक्रिया चलिरहेकोले यसमा उक्त संख्या राखिएको छैन । सबैभन्दा बढी मनोनयन पोखरा महानगरमा परेको छ भने सबैभन्दा कम नार्पाभूमी गाउँपालिकामा परेको छ ।