पोखरा । श्रीकृष्ण मन्दिर संचालक समिति, श्रीकृष्ण मन्दिर आमा समूह र भ्याली स्पोर्ट्स क्लब रामबजारको संयुक्त आयोजनामा नयाँ वर्षको शुभकामना आदानप्रदान तथा सम्मान कार्यक्रम भएको छ ।

सो अवसरमा एन्फा कास्कीको अध्यक्षमा निर्वाचित उज्जल रञ्जित र सदस्यमा निर्वाचित विकास गुरुङलाई बधाई ज्ञापन गरियो ।

रामबजार सोसाइटी युकेका वरिष्ठ सल्लाहाकार तथा रामबजारका तारा महेश गुरुङले नवनिर्वाचितलाई बधाई दिंदै एन्फा कास्कीमार्फत फुटबल खेल विकासमा अझ अघि बढ्न सुझाव दिए ।

भ्याली स्पोर्ट्स क्लबको फुटबल विकासका लागि रामबजार सोसाइटी युकेका संस्थापक अध्यक्ष रामबहादुर गुरुङले १० हजार ५, सोसाइटी युकेका पूर्व अध्यक्ष रूपक गुरुङबाट १० हजार ५० र रामबजार सोसाइटी युकेका प्रमुख सल्लाहकार महेशगुरुङबाट ५ हजार सहयोग हस्तान्तरण गरियो ।

श्रीकृष्ण मन्दिर संचालक समिति अध्यक्ष ज्ञानबहादुर थापा, रामबजार सोसाइटीका सस्थापक अध्यक्ष रामबहादुर गुरुङ, सोसाइटीका पूर्व अध्यक्ष रूपक गुरुङ, सम्मानित व्यक्तित्व उज्ज्वल रञ्जित लगायतले बोलेका थिए ।

भ्याली स्पोर्ट्स क्लब रामबजारका अध्यक्ष सम्मरबहादुर श्रेष्ठको अध्यक्षतामा भएको कार्यक्रममा श्रीकृष्ण मन्दिर आमा समूहका अध्यक्ष कमला गुरुङले स्वागत र भ्याली स्पोर्ट्स क्लबका सचिव प्रितम गुरूङले संचालन गरेका थिए ।