पोखरा । अटेरी अभियानमा लागेका साहित्यकार गनेस पौडेलले पोखराको मेयरका लागि उम्मेद्वारी दर्ता गरेका छन् ।

आज र भोलि उम्मेदवारी दर्ताको दिन तोकिएकोमा उनले पहिलो दिन नै मुख्य निर्वाचन अधिकृतको कार्यालय पोखरामा उनले उम्मेदवारी दर्ता गराए ।
पौडेलको प्रस्तावकमा अप्सरा अधिकारी र समर्थकमा सरोज जिसी छन् ।

राजनीतिक दलहरु नागरिकका अपेक्षा पूरा गर्न भन्दा पनि निजी स्वार्थमा लिप्त रहेको भन्दै अटेरी अभियान थालेको र पोखरको मेयरमा आफ्नो जीत सुनिश्चित रहेको उनको भनाइ थियो ।