पाेखरा । नेपाल कम्युनिस्ट पार्टी एमालेबाट उपमेयरमा सिफारिस मञ्जुदेवी गुरुङले केन्द्रको निर्णय आफूलाई मान्य नभएको बताएकी छन् ।

नेकपा एमाले केन्द्रीय सचिवालयको शनिबार बसेको बैठकले पोखराको उपमेयरमा फेरि गुरुङलाई नै निरन्तरता दिने निर्णय गरेको थियो । आफूले दाबी पनि नगरेको र पार्टीले सल्लाह पनि नगरी भएको निर्णय आफूले मान्न नसक्ने बताएकी हुन् ।

उनले भनिन्, ‘मलाई एक पटक पनि नसोधी उपमेयरमा उठाउने निर्णय भएछ, म मेयर, उपमेयरको दौडमा छैन ।’

पोखरा महानगरमा एमालेबाट मेयरमा १२ जना र उपमेयरमा ११ जना आकांक्षी रहँदा बहालवाला उपमेयर मञ्जुले कुनै पनि पदमा दाबेदारी पेस गरिनन् ।

मेयरमा दाबेदारी पेश गरेका दीपक पौडेललाई एमालेले पोखरोको मेयरको टिकट दिएको छ ।