पोखरा । कवि रीता अधिकारी ’ऋतु’ को कविता संग्रह ‘सेल्फ पोट्रेट’ शनिबार पोखरामा लोकार्पण गरिएको छ । साहित्यकारद्वय सरुभक्त र तीर्थ श्रेष्ठले कृति विमोचन गरेका हुन् ।
कवि तथा साहित्यकार ’ऋतु’ ले ३ दशक लगाएर लेखिएका आफ्ना कविताहरुको कृति प्रकाशनमा ल्याएकी हुन् । कृति विमोचनपछि नेपाल संगीत तथा नाट्य प्रज्ञा प्रतिष्ठानका पूर्व कुलपति सरुभक्तले ५० कै दशकदेखि कविका रुपमा रीतालाई सुनेको स्मरण गरे । साहित्यकार सरुभक्तले कवि ऋतु समकालीन पोखरेली कविताका एक उदयीमान र प्रतिभासम्पन्न कवि भएको बताए । गहन काव्यचेत, कोमल शब्दावली,हृदयस्पर्शी बिम्बमा सहज गाम्भीर्यसहित अभिव्यक्त हुनु उनको खुबी भएको बताए ।
तीर्थ श्रेष्ठले कविता लेखनमा कथ्य र तथ्यको मिश्रणमा ध्यान दिएर लेखिनुपर्ने बताए । उनले भने,‘सर्वप्रिय साहित्यिक विधा कविता कविकर्म हो । तथापि सहजकर्म भने हुँदै होइन । कविता लेख्नु सहज प्रतीत हुने असहज यात्रा हो । कविताको प्रभावकारिता कुनै मापन प्रणालीले मापन गर्न सक्दैन ।’ उनले साना मसिना कथ्यलाई पनि टपक्क टिपेर कविताको बान्कीमा पस्कन सक्ने कविका रुपमा कवि ऋतुलाई तुलना गरे ।
कवि रमेश श्रेष्ठले रीतालाई आफैंले आफैंलाई कोर्न सक्ने कलाकारका रुपामा देखेको बताए । प्राज्ञ हरिदेवी कोइरालाले कवि ऋतु सरल, सबै कुरा बुझ्ने आमाजस्तै लागेको सुनाइन् ।
लामो समयमा कविता आफ्नो कविता संग्रह लिएर आएकी स्रष्टा ऋतुले सबैको माया, ममता र स्नेहलाई हृदयले अनुभूत गरेका अनुभूतिहरुलाई यसपछि पनि कविता कर्ममा उतार्ने बताइन् । साहित्यकार जीवनसागर भण्डारीले स्रष्टा चिनारी राख्दै ऋतुलाई समकालीन साहित्य सिर्जना कर्ममा निरन्तर लागिरहने र अग्रजहरुको सम्मान गर्ने अध्ययनशील प्रतिभा भएको जिकीर गरे । कृति समीक्षा गर्दै कवि आख्यानकार सरस्वती प्रतीक्षाले ऋतुलाई समसामयिक विषय चेतमा कलम चलाउन र समय व्यवस्थापन गर्न जान्ने स्रष्टाका रुपमा पाएको उल्लेख गरिन् । कार्यक्रममा पोखरेली युवा सांस्कृतिक परिवारका अध्यक्ष मोति भुजेल, संस्थाका पूर्व अध्यक्ष जीवनसागर भण्डारी, दीपक समीप, रीता अधिकारी ऋतु, शिव त्रिपाठी, उपेन्द्र पौडेललगायतले बोलेका थिए ।
Related News
सम्बन्धित समाचार
छन्द बचाऊँ वाचनकला पुरस्कारबाट त्रिपाठी सम्मानित
सबीको अपरिभाषित आभा लोकार्पित
छन्द बचाऊँ वाचनकला पुरस्कारबाट त्रिपाठी सम्मानित
सिर्जनशीलमा दार्शनिक ज्ञानको प्रबोधीकरण
सबीको अपरिभाषित आभा लोकार्पित
hero news full width
मुख्य समाचार
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१