पोखरा । महिला सीप विकास संस्था पोखरा–८ को २०७९ सालको क्यालेन्डर विमोचन तथा शुभकामना आदानप्रदान कार्यक्रम भएको छ ।

समारोहा गैसस महासंघ गण्डकी प्रदेशका सल्लाहकार कृष्णप्रसाद बरालले क्यालेन्डर विमोचन गर्दै महिला सीप विकास संस्थाले गरिबी निवारण र महिला सशक्तीकरणको क्षेत्रमा अतुलनी योगदान पुर्‍याएकोमा भन्दै कार्यको प्रशंसा गरे ।

उनले स्वदेश तथा विदेशमा आफ्नो पहिचान सहितको ख्याति बढाएको भन्दै महिला सीप विकास परिवारलाई नयाँ वर्ष–२०७९ को हार्दिक शुभकामना तथा शुभेच्छा राखेका थिए ।

महिला सीप विकास संस्थाका अध्यक्ष देवी गुरुङको अध्यक्षतामा सम्पन्न उक्त कार्यक्रममा संस्थाका कार्यकारी निर्देशक रामकली खड्काले नयाँ वर्षको शुभकामना एवं संस्थाको गतिविधि सहित स्वागत मन्तव्य राखिन् ।

लामो समयदेखि महिला सशक्तीकरण दिशामा महिला सिप विकास संस्थाले महत्वपूर्ण भुमिका खेल्दै आएकोे छ । सो कार्यक्रमको संचालन विष्णुप्रसाद बरालले गरेका थिए ।

कार्यक्रममा सहभागी संस्थाका कर्मचारी शिक्षकहरु र उत्पादन समूहका दिदीबहिनीले आपसमा शुभकामना आदानप्रदान गरेका थिए ।