पाेखरा ।  सत्तारुढ गठबन्धनले सातै प्रदेशमा संयुक्त चुनावी सभा गर्ने भएको छ। नेपाली कांग्रेसका वरिष्ठ नेता रामचन्द्र पौडेलको संयोजकत्वमा बिहीबार बसेको स्थानीय तहोक निर्वाचनका लागि गठबन्धनका दलहरूको आन्तरिक तयारी अनुगमन संयन्त्रको बैठकले यस्तो निर्णय गरेको हो।

सातै स्थानका सभालाई पाँचै दलका प्रमुख नेता र गठबन्धनका संयोजक समेत गरी ६ जनाले सम्बोधन गर्ने कार्यक्रम तय गरिएको छ।

वैशाख १८ गते सुर्खेत र धनगढीमा संयुक्त सभा हुनेछ। यस्तै १९ गते पोखरा र बुटवलमा सभा आयोजना गर्ने निर्णय भएको छ। यस्तै २० गते विराटनगर र जनकपुरमा सभा गरिनेछ। २२ गते काठमाडौंमा सभा आयोजना गरी समापन गरिने संयन्त्रले जनाएको छ।