पोखरा । नेपाली कांग्रेस पोखरा १२ ले आसन्न स्थानीय निर्वाचनको प्रचार प्रसार समिति गठन गरेको छ ।

समितिको संयोजकमा नेपाली कांग्रेस कास्की क्षेत्र नं. १ ख का सभापति कृष्ण कोइरालालाई तोकेको छ । समितिका सदस्यहरु नेपाली कांग्रेस केन्द्रीय महाधिवेशन प्रतिनिधि डम्बरजंग गुरुङ, नेपाली कांग्रेस पोखरा १२ का निवर्तमान सभापति राधेश्याम कोइराला, पोखरा १२ का पूर्व वडा सदस्य बलबहादुर कार्की तथा नेपाल प्रेस युनियनका प्रदेश प्रतिनिधि मनोहरि पौडेल रहेका छन् ।

पार्टीले अवलम्बन गरेका नीति, कार्यक्रम र आफ्नो वडामा उठाएका राष्ट्रिय तथा स्थानीय सरोकारका विषयहरुलाई मतदाता समक्ष पुर्‍याउन निर्वाचन प्रचारप्रसार समिति गठन गरिएको संयोजक कोइरालाले बताए ।