काठमाडौं । नयाँ वर्ष अवसरमा एनसेल आजियाटाले वैशाख ५ देखि आफ्ना ग्राहकलाई आकर्षक भ्वाइस र डेटा सेवा बन्डलिङ रहेको इन्डलेस कम्बो प्याक संचालनमा ल्याएको छ । यो योजनाअन्तर्गत एनसेलका प्रिपेड ग्राहकले करसहित मात्र २५ रुपैयाँमा बिहान ५ देखि साँझ ५ बजेसम्म प्रयोग गर्न सकिन डे कम्बो प्याक र बेलुका १० देखि भोलिपल्ट बिहान ७ सम्म प्रयोग गर्न सकिने गरी २ आकर्षक प्याकबाट फाइदा लिन सक्ने जनाएको छ ।

डे कम्बो प्याकअन्तर्गत प्रिपेड ग्राहकले १०० एमबी डेटा र २०० मिनेटको अल नेट टक टाइम (अन्य कुनै पनि सेवा प्रदायकको नम्बरमा कल गर्न सकिने) प्राप्त गर्दछन् ।

ग्राहकले *१७११८*१# वा * १७१२३ *२ #डायल गरि यो प्याक सुचारु गर्न सक्छन् । ग्राहकले एनसेल एपबाट पनि यो प्याक सुचारु गर्न सक्छन् ।

बेलुका भ्वाइस तथा डेटा प्रयोग गर्न चाहने ग्राहकले २५० एमबी डेटा र २५० मिनेटको अल नेट टक टाइम भएको आकर्षक कम्बो प्याक मात्र २५ रुपैयाँमा सुचारु गर्न सक्छन् । प्रिपेड ग्राहकले ए*१७११८*१*६# डायल गरि प्याक सुचारु गर्न सक्छन् । त्यस्तै ग्राहकले एनसेल एपबाट पनि यो प्याक सुचारु गर्न सक्छन् ।