पोखरा । पोखराको बेबिल्यान्ड स्थापनाको २९ औं वर्षमा प्रवेश गरेको छ । वार्षिकोत्सव कार्यक्रम सोमबार औपचारिक कार्यक्रम गरी मनाइएको छ । कार्यक्रममा युवा उद्यमी मञ्च पोखराका अध्यक्ष सुनीलबहादुर भट्टराई, बेबिल्यान्डका संरक्षक आमा बुद्धलक्ष्मी बज्राचार्य, सञ्चालन प्रदीप बज्राचार्य र उनकी श्रीमती रत्नाभूमि बज्राचार्यले संयुक्त रुपमा केक काटेका थिए ।

‘बच्चाहरुको खुसी नै परिवारको खुसी’ भन्ने नाराका साथ २०५१ साल वैशाख ५ गतेदेखि बेबिल्यान्ड सञ्चालन गरिएको थियो । नेपालको व्यावसायिक क्षेत्रमा नयाँ ढंगले केही नयाँपन दिने उद्देश्यसहित सञ्चालनमा आएको बेबिल्यान्डको पोखराको न्युरोडमा रिटेल स्टोर, सिद्धार्थचोकमा प्ले सोरुम तथा काठमाडौंको बालाजुमा ‘बेबिल्यान्ड अनलाइन’ अफिस सञ्चालनमा छ ।

बेबिल्यान्डले गत चैत २० गतेदेखि २०७९ साल वैशाख ५ गतेसम्म चिप्लेढुंगा र न्युरोड आउटलेटमा ‘बेबिल्यान्ड कार्निभल–२०७९’ आयोजना गरेको थियो । सो समयमा बेबिल्यान्डबाट समान किन्दा २५ प्रतिशत छुट, चकलेट, आइसक्रिम, गेम, बेलुन, फोटो सुटलगायत सुविधा दिइएको सञ्चालक बज्राचार्यले जानकारी दिए । साथै बेबिल्यान्ड मल अनलाइनमा सपिङ गर्नेलाई निशुल्क डेलिभरी सुविधा दिइएको उनले बताए । वार्षिकोत्सव कार्यक्रममा बेबिल्यान्डका सञ्चालक प्रदीप बज्राचार्यले ‘बेबिल्यान्ड’ नेपालको पहिलो र एकमात्र ट्रेडमार्क रजिस्टर्ड कम्पनी भएको बताए । उनले निकट भविष्यमा कम्पनीलाई ब्रान्डिङ गर्नुका साथै काठमाडौंमा स्टोर खोल्ने योजना रहेको सुनाए ।

बेबिल्यान्डमा जन्मेदेखि १२ वर्षसम्मका बालबालिकाका लागि फेसनेबल लुगा, जुत्ता, खेलौना, साइकल, ट्राइसाइकल, वाकर, बेड, झोलुंगा, स्ट्रोलर, इलेक्ट्रिकल कार, जिप, बाइकलगायत सम्पूर्ण सामानहरु पाइने ब्रजाचार्यले जानकारी दिए ।