पोखरा । हृदयको आवाज कास्कीको आयोजनामा पोखरा १६ बाटुलेचौरमा महिलाका उद्घोषण तथा कार्यक्रम सञ्चालनसम्बन्धी तालिम दिइएको छ । वैशाख २ देखि ५ गतेसम्म चलेको तालिममा ३० जना महिला सहभागी थिए ।

तालिमको समापन कार्यक्रममा हृदयको आवाज कास्कीका अध्यक्ष शारदा बस्नेतले महिलालाई कार्यक्रम सञ्चालनका लागि जानकारी दिन र बोल्ने कलाको विकास गर्न संस्थाले तालिम आयोजना गरेको बताइन् ।

सहभागीका तर्फबाट नारायणी बस्नेतले मञ्चमा उभिएर बोल्दा निकै डर लाग्ने गरेको भए पनि ३ दिन तालिममा सहभागी भएपछि आफूमा आत्मविश्वास बढेको सुनाइन् ।

थ्रि एन्जल्स रेडियोका कार्यक्रम व्यवस्थापक जीवन सुवेदीले तालिममा सहजीकरण गरेका थिए ।