पोखरा । नेपाल रेडक्रस सोसाइटी पोखरा ९ उपशाखाले नयाँ वर्ष २०७९ सालको भित्तेपात्रो विमोचन तथा शुभकामना आदानप्रदान गरिएको छ ।

क्यालेन्डर विमोचन गर्दै गण्डकी प्रदेशका उपसभामुख सिर्जना शर्माले सुखी नेपाली समृद्ध नेपाल निर्माण गर्न नेपाल रेडक्रस सोसाइटीको भूमिका महत्वपूर्ण रहेको बताइन् । नेपाल रेडक्रस सोसाइटी कास्कीका उपमन्त्री उर्मिला खड्काले समाजमा रेडक्रसले गर्दै आएको गतिविधिले समाजमा सचेतना जगाएको सुनाइन् । नेपाल रेडक्रस सोसाइटी कास्की सदस्य दीपेन्द्र मर्सानीले उपशाखाको भवन निर्माणका लागि पहल गर्ने बताए ।

कार्यक्रममा समाजसेवी दामोदर शर्मा, प्रेम गुरूङ, दुर्गा पहारी, रामकृष्ण पहारीलगायतले बोलेका थिए । यसैबीच उपशाखाको भवन निर्माणका लागि शेषनारायण पौडेलले १ लाख ११ हजार १ सय ११ रूपैयाँ सहयोग गरे । सोही अवसरमा गोपि तुलाचन र राजेन्द्र पहारीले समान १ लाख १ हजार १ सय ११ रुपैयाँ सहयोग गरेका थिए । नेपाल रेडक्रस सोसाइटी पोखरा ९ उपशाखाका सभापति राजेन्द्र पहारीको अध्यक्षतामा भएको कार्यक्रम सचिव प्रकाश शर्माले सञ्चालन गरेका थिए ।