पोखरा । पोखरेली युवा सांस्कृतिक परिवारको समता काव्य सन्ध्याको ३४७ औं शृंखला सम्पन्न भयो । काव्य सन्ध्यामा परिवारका सल्लाहकार कवि डा. ईश्वरमणि अधिकारीले आफू आजीवन कविताको विद्यार्थी रहने र कवितामा नै समर्पित हुने प्रतिवद्धता जनाए ।

कवि केशु शर्माले पचासको दशकमा आफूले समता पहिलो पटक कविता वाचन गरेको अनुवभ सुनाइन् । समतामा कविता वाचन गर्दा गर्दै अहिले आफू संघ संस्थामा नेतृत्वदायी भुमिकामा रहेको बताइन् ।

सो श्रृंखलामा कवि त्रिवेणी, मनीषा पौडेल, माधव खतिवडा, अमृता पौडेल, कृष्ण सुवेदी, रोशन तिमिल्सिना, रामजीप्रसाद आचार्य, लीली अधिकारी, प्राञ्जल, शिव त्रिपाठी, प्रकाश ज्ञवालीले आआफ्ना सिर्जना वाचन गरेका थिए ।

परिवारको साहित्य संयोजक रीता अधिकारी ‘ऋतुले आगामी शनिबार पोखरामा लोकार्पण हुने ‘सेल्फ पोट्रेट’ बाट २ कविता वाचन गरेकी थिइन् । संस्थाका अध्यक्ष मोती भुजेलकोे अध्यक्षतामा सम्पन्न उक्त कार्यक्रमको सञ्चालन सहसचिव शिव त्रिपाठीले गरेका थिए ।