पोखरा । सत्ता गठबन्धनमा आबद्ध पाँच दलका शीर्ष नेताहरू बैठक आज बस्ने भएको छ। प्रधानमन्त्रीको सरकारी निवास बालुवाटारमा बैठक बिहान ९ बजे बस्ने गरी बोलाइएको छ।

बैठकमा आसन्न स्थानीय तह निर्वाचनमा गठबन्धनका बीच भागबन्डाका विषयमा छलफल हुनेछ। सत्ता गठबन्धनमा महानगरपालिका र उपमहानगरपालिकाको भागबन्डामा सकस देखिएको छ।

आइतबार गठबन्धनको निर्वाचन तयारी तथा अनुगमन समितिको बैठकमा भागबन्डा टुंग्याई शीर्ष नेतृत्वलाई रिपोर्ट बुझाउने तयारी थियो। तर, दलहरू आआफ्नै अडानमा रहँदा बैठक निष्कर्षविहीन बनेको थियो।