पोखरा । तमु धिं नेपालले गैरआवासीय नेपाली संघको हालै सम्पन्न अधिवेशनबाट उपमहासचिवमा चयन ओम गुरुङ (जापान) र महिला सचिवमा निर्विरोध निर्वाचित राधिका गुरुङ ‘टीका’ (हङकङ) लाई स्वागत एवं बधाई ज्ञापन गरेको छ ।

उनीहरुलाई संस्थाका अध्यक्ष हुमबहादुर गुरुङ, कार्यसमिति सदस्य श्रीजंग गुरुङ र सुरेन्द्र गुरुङले पोखरामा आयोजित कार्यक्रममा खादा, भाङ्ग्रा, घलेकबाट स्वागतका साथै बधाई ज्ञापन गरेका हुन् । एनआरएनएका उपमहासचिव ओम गुरुङले तमुहरुको एकताबाटै सामुदायिक हित र विकास हुने भन्दै आफूहरुको तर्फबाट सक्दो साथ रहने बताए ।

यस्तै, महिला सचिव राधिका गुरुङले तमु धिं नेपालको स्वागत एवम बधाईका लागि धन्यवाद व्यक्त गर्दै एनआरएनको नेतृत्वका लागि महत्वपूर्ण जिम्मेवारी प्राप्त भएकोले अग्रगतिमा जुट्ने प्रतिबद्धता व्यक्त गरिन् ।