पोखरा । मिलन डिजी इन्टरनेसनलले जिफानको सातौं राष्ट्रिय अधिवेशनबाट निर्वाचित कार्यसमितिलाई बधाई तथा सम्मान गरेको छ । जिफानका अध्यक्ष गुञ्जबहादुर गुरुङ लगायतको कार्यसमितिलाई सम्मानपत्र, फेटा, भाङ्ग्रा,क्रमु, खादा लगायतबाट सम्मान गरिएको थियो ।

कार्यक्रमको तमु धिं नेपालका अध्यक्ष हुमबहादुर गुरुङ र मिलन डिजी इन्टरनेशलन प्रालि संरक्षक सावित्री गुरुङले उद्घाटन गरेका थिए । मिलन फाउन्डेसन नेपाल, मिलन वल्र्ड डट न्युज र मिलन ट्रष्ट सहआयोजक रहेको कार्यक्रममा नयाँ वर्षको शुभकामना समेत आदानप्रदान भयो ।

कार्यक्रममा तमु धिं नेपालका अध्यक्ष हुमबहादुर गुरुङले गुरुङ चलचित्रलाई नयाँ उचाइमा पु¥याउन नयाँ कार्यसमिति सक्षम हुने विश्वास व्यक्त गरे ।

जिफानका अध्यक्ष गुञ्जबहादुर गुरुङले सम्मानप्रति आभार व्यक्त गर्दै आफ्नो कार्यकालमा गुरुङ चलचित्र क्षेत्रलाई थप उचाइमा पुर्‍याउन पहल गर्ने प्रतिबद्धता व्यक्त गरे । मिलन डिजी इन्टरनेशनल संरक्षक सावित्री गुरुङको अध्यक्षतामा भएको कार्यक्रममा संस्थाका रुद्र श्रीस मगरले स्वागत र नायिका निशा गुरुङले कार्यक्रम संचालन गरेकी थिइन् ।