पोखरा । पोखरा १० रामघाटस्थित मेट्रोपोलिटन एकेडेमीले निशुल्क आँखा शिविर एवं विद्यार्थी सम्मान कार्यक्रम गरेको छ । बढ्दो वातावरण प्रदूषण एवं विद्युतीय उपकरणको प्रयोगले आँखामा परेको नकारात्मक असरलाई मध्यनजर गरी आयोजना गरिएको शिविरमा ७ सय जनाको आँखा जाँच गरिएको थियो ।

सोही विद्यालयका पूर्व विद्यार्थी डा. शशांक तिमिल्सिना र एमबिबिएसमा पूर्ण छात्रवृत्तिमा नाम निकाल्न सफल पूर्व विद्यार्थी कुशल लामिछानेलाई सम्मान गरिएको थियो ।

विद्यालय सञ्चालक समिति अध्यक्ष हरिप्रसाद तिमिल्सिनाले आफ्ना विद्यालयका विद्यार्थी उच्च ओहोदामा पुग्दा निकै गौरव लागेको सुनाए ।

विद्यालयका प्राचार्य दुर्गाप्रसाद शर्माले छिट्टै नै निशुल्क स्वास्थ्य शिविर आयोजना गर्ने बताए ।

विद्यालयका प्राचर्य दुर्गाप्रसाद शर्माको अध्यक्षतामा भएको कार्यक्रमलाई हिमालयन आँखा अस्पताल पोखराको विशेष सहयोग रहेको थियो । कार्यक्रममा विद्यालयका निर्देशक समीर बरालको उपस्थिति रहेको कार्यक्रममा शिक्षक विद्यार्थी इन्चार्ज ईश्वर रानाभाटले स्वागत र शिक्षक भावना लामिछानेले सञ्चालन गरेका थिए ।