पोखरा । हाम्रो सहयोगी बचत तथा ऋण सहकारी संस्थाले नयाँ वर्ष २०७९ को भित्तेपात्रो विमोचन गर्नुको साथै शुभकामना आदानप्रदान कार्यक्रम गरेको छ ।

जिल्ला सहकारी संघ कास्की अध्यक्ष सावित्रा कोइरालाले क्यालेन्डर विमोचन गर्दै सहकारीका सिद्धान्तलाई पूर्ण पालना गर्दै अघि बढ्नुपर्ने बताइन् । उनले जनहितमा काम गर्ने सहकारीसँग आफू जहिले पनि सँगै रहेको स्पष्ट पारिन् ।

जिल्ला बचत संघका अध्यक्ष भेषराज पराजुलीले सबै सहकारीहरुले आर्थिक पारदर्शीता कायम गर्दै ब्यवहारमा समानता अपनाउन आग्रह गरे ।

सहकारी अध्यक्ष शुक्रराज कँडेलको अध्यक्षतामा सम्पन्न उक्त कार्यक्रममा संस्थापक अध्यक्ष गिरीप्रसाद गुरुङ, निवर्तमान अध्यक्ष शिवप्रसाद सापकोटा, सहकारीका व्यवस्थापक जीवन अधिकारी, शिक्षा संयोजक भीम सुवेदी लगायतले शुभकामना मन्तब्य ब्यक्त गरेका थिए । स्वागत सहकारी कोषाध्यक्ष सिर्जन सुवेदी र संचालन सचिव कृष्णप्रसाद तिमिल्सिनाले गरेका थिए ।