पोखरा । स्याङ्जाको हरिनाश गाउँपालिकास्थित चिसापानी साना किसान कृषि सहकारीले वित्तीय साक्षरता तथा अन्तरसमूह सुदृढीकरणसम्बन्धी तालिम दिएको छ । हरिनाश २ का साना किसान समूहका अध्यक्ष तथा अन्तरसमूह प्रतिनिधि गरी तालिममा ४० जनाको सहभागिता थियो ।

तालिममा संस्थाका कर्मचारी भुवानी थापा श्रेष्ठले साना किसान समूह र संस्थाका अध्यक्ष प्रकाश पौडेलले सहकारीको महत्व, सहकारी शिक्षा, बचत तथा ऋणको महत्व, सहकारीले प्रवाह गरिरहेका सेवा तथा आगामी दिनका योजनाबारे प्रकाश पारेका थिए । उनीहरुले साना किसान सदस्य तथा समूहको जिम्मेवारीबारे सहजीकरण गरेका थिए । सहकारीका उपाध्यक्ष चित्रबहादुर गुरुङ, कोषाध्यक्ष मिठु लम्साल लगायतले सहकारीले छरिएर रहेका पुँजी एकत्रित गरी लगानी गर्न सहयोग पुर्‍याउने बताएका थिए ।

साना किसान विकास लघुवित्त वित्तीय संस्था लि. इलाका कार्यालय पोखराको आर्थिक सहयोगमा तालिम भएको हो ।