लेखनाथ । कास्कीको विभिन्न ठाउँमा छरिएर रहेका जलारी समुदायको लेखनाथमा भएको भेलाले झलक जलारीको अध्यक्षतामा जलारी समाज कास्की गठन गरेको छ । आफ्नो जातीय एकता, पेसागत एवं भाषिक सुरक्षमा सहयोग पुग्ने गरी कास्कीको विभिन्न ४ ठाउँमा रहेका समाजको भेलाले झलक जलारीलाई अध्यक्षमा चयन गरेको हो ।

नवगठित समितिको उपाध्यक्षमा सूर्य जलारी, सचिव इन्द्रबहादुर जलारी, कोषाध्यक्ष मनोज जलारी छन् । सदस्यकहरु मल्के जलारी, विशाल जलारी, सुकबहादुर जलारी, सञ्जीव जलारी, श्रीमती देवु जलारी, शोभा जलारी र शान्ति जलारी छन् ।

भेलाले पदेन सदस्य बेगनासताल मत्स्य व्यवसायी समितिका राजेन्द्र जलारी, हर्पन फेवा मत्स्य सहकारीका सोम जलारी, एकता जलारी समाजका कान्छा जलारी र सीता पाइला जलारी समाजको तर्फबाट सानुमान जलारीलाई चयन गरेको छ । समितिको सल्लाहकारमा हर्कबहादुर जलारी छन् । भेला आयोजक समितिका अध्यक्ष राजेन्द्र जलारीको अध्यक्षतामा भएको थियो ।