पोखरा । पोखरा जेसिजले सोमबार ४८ औं स्थापना दिवस मनाएको छ । कार्यक्रमको उद्घाटन पोखरा जेसिजका पूर्व अध्यक्ष विकल शेरचनले उद्घाटन गरे । उनले जेसिज सामाजिक संस्थामध्ये अग्रणी संस्था भएको बताए ।

जेसिज सदस्यहरुबीच शुभकामना आदानप्रदान भएको कार्यक्रममा पूर्व अध्यक्ष राजु केसी, किरण केसी, पोखरा जेसिजका पूर्व अध्यक्ष तथा नेसनल जिएलसी गोविन्द देवकोटालगायतले बोलेका थिए ।

कार्यक्रममा पोखरा जेसिज वर्ष २२ का अध्यक्ष मीनराज खड्काले जेसिजलाई सहयोग गर्ने तथा कार्यक्रम सफल बनाउन सहयोग गर्ने सबैप्रति धन्यवाद व्यक्त गरे । कार्यक्रम सञ्चालन जेसिज महासचिव प्रकाश घिमिरेले गरेका थिए । कार्यक्रम संयोजन मीनाकुमारी थापाले गरेकी थिइन् ।