पोखरा । सावित्री निर्माण सेवा कास्की लिगमा लिग चरणका खेल सकिएका छन् । पोखरा रंगशालास्थित वैकल्पिक खेलमैदान र हेमजास्थित गौरीशंकर खेल मैदानमा चैत २१ देखि सञ्चालित लिग चरणका खेल सोमबार सकिएका हुन् ।

क्वाटरफाइनल खेल मंगलबार पोखरा रंगशालामा सञ्चालन गरिने खेल संयोजक नरप्रसाद गुरुङले जानकारी दिए ।

उनका अनुसार पहिलो समूहबाट हेमजा युनाइटेड क्लब ८ र नवआदर्श युवा क्लब १० अंक सहित अन्तिम ८ मा प्रवेश गरेको छ । दोस्रो समूहबाट विष्णुपादुका क्लब ९ र ड्यामसाइड क्लब १० अंक सहित क्वाटरफाइलमा स्थान बनायो ।
तेस्रो समूहबाट सत्य युवा क्लब र शीतलज्योति क्लब समान १२ अंक सहित छनौैट भयो ।

अर्काे समूहबाट एलजी एसोसिएसन ११ र भ्याली स्पोर्टस् क्लब १० अंक सहित क्वाटरफाइनलमा प्रवेश गर्‍यो ।

उनका अनुसार पहिलो खेल नवआदर्श र शीतलज्योतिबीच हुनेछ । दोस्रो खेल सत्य युवा क्लब र हेमजा युनाइटेडबीच प्रतिस्पर्धा हुनेछ । तेस्रो खेल ड्यामसाइड र भ्याली स्पोर्टस्बीच हुने खेल हुनेछ ।

अन्तिम खेल विष्णुपादुका क्लबले एलजी एसोसिएसनसँग प्रतिस्पर्धा गर्ने एन्फा कास्कीले जनाएको छ ।