पोखरा । चैतेदसैं मेला–२०७८ अवसरमा फेदीखोला–४ गलेम, राम्चेमा आयोजित अन्तरक्लब भलिबल प्रतियोगिताको उपाधि मट्टिखान युवा क्लबले जितेको छ ।

१२ टिम सहभागी प्रतियोगितामा शीतला युवा क्लबलाई फाइनलमा पराजित गर्दै मट्टिखानले उपाधि जितेको हो । विजेता र उपविजेतालाई क्रमशः ३० हजार र २० हजार नगद, मेडल, ट्रफ्री र प्रमाण पत्र प्रदान गरिएको थियो ।

फेदीखोला गाउँपालिका अध्यक्ष घनश्याम सुवेदीको प्रमुख आतिथ्यमा भएको प्रतियोगिताको पोखरा १० का वडा अध्यक्ष राजकुमार गुरुङले उद्घाटन गरेका थिए ।

प्रथम पुरस्कारको प्रायोजन श्री गुरुङ गलेम (हाल युके) र दोस्रो पुरस्कार प्रायोजन सांसद भागवतप्रकाश मल्लले गरेका थिए । यसैगरी डब्लुओटु रामबहादुर गुरुङ (युके) ले शीतला युवा क्लबलाई १० थान ट्रयाक हस्तान्तरण गरेका थिए । मेला आयोजक समिति अध्यक्ष दीपेन्द्र पौडेलको अध्यक्षतामा उक्त प्रतियोगिता शीतला, मातृभूमि र ढुकढुकी युवा क्लब गलेमले संयुक्त आयोजना गरेका हुन् ।