पोखरा । रानाभाट तथा भाट समाजद्वारा सञ्चालित कास्कीको पवित्र बचत तथा ऋण सहकारी संस्थाको सहकारी अध्ययन अवलोकन भ्रमण भएको छ । सहकारीहरुले के कस्ता कार्यहरु गर्न सक्छन्, कतिसम्म गर्न सक्छन्, सहकारीको प्रगतिमा सेयर सदस्यको भूमिका के हुने भन्ने बारेमा सेयर सदस्यलाई जानकारी दिन अवलोकन भ्रमण गराइएको थियो ।

सहकारीका संस्थापक सचिव कृष्ण रानाभाटको नेतृत्वमा गएको समूहले झापा जिल्लाको नेपाल बहुउद्देश्यीय सहकारी (एनएमसी) को अवलोकन गरेको थियो ।

पवित्र बचत तथा ऋण सहकारीका कोषाध्यक्ष एकेन्द्र बञ्जरा, ऋण लगानी उपसमितिका संयोजक यामबहादुर रानाभाट, कार्यसमिति सदस्य तथा महिला ऋण उपसमितिकी सदस्य गंगा रानाभाट, शिक्षा उपसमिति सदस्य टीका रानाभाटले आआफ्नो समितिले गरेका कामको अनुभव साटेका थिए ।