पोखरा । जिल्ला प्रहरी कार्यालय कास्कीको अवधारणा तथा सामुदायिक सेवा एवं सामुदायिक प्रहरी सेवा जिल्ला समन्वय समिति कास्कीको आयोजनामा आत्म हत्या रोकथाम एवं लागुपदार्थ दुव्र्यसनसम्बन्धी सचेतनामूलक प्रशिक्षण दिइएको छ । जलधारे बचत तथा ऋण सहकारी संस्थाले कार्यक्रममा सहकार्य गरेको थियो ।

पोखरा २६ का अध्यक्ष नारायणप्रसाद बरालले कार्यक्रम उद्घाटन गरेका थिए । कार्यक्रममा स्थानीय टोल विकास संस्था, युवा क्लब, आमा समूह, स्थानीय जनप्रतिनिधि, सञ्चारकर्मी, सामुदायिक प्रहरी सेवाका प्रतिनिधि लगायत १ सय ७५ जना सहभागी थिए ।

कार्यक्रममा मानसिक रोग विशेषज्ञ डा. राजन शर्मा र प्रहरी नायब निरीक्षक होतबहादुर रोकाहाले आत्महत्या रोकथाम एवं लागुपदार्थ दुव्र्यसनीसम्बन्धी प्रशिक्षण दिएका थिए ।

क ार्यक्रममा सामुदायिक सेवा एवं सामुदायिक प्रहरी सेवा जिल्ला समन्वय समिति कास्कीका प्रथम उपाध्यक्ष ज्ञानेन्द्र बजगार्इं, उज्वल आमा समूहका अध्यक्ष सरस्वती गौतम, लेखनाथ सामुदायिक सेवा केन्द्रका अध्यक्ष त्रिलोचन लामिछाने, जलधारे बचत तथा ऋण सहकारी संस्थाका अध्यक्ष श्रीकान्त ढुंगाना, इलाका प्रहरी कार्यालय डाडाकोनाक शिशुवा कास्कीका प्रहरी निरीक्षक मेघनाथ चापागाईंलगायतले बोलेका थिए । कार्यक्रम सञ्चालन संस्थाका सचिव विष्णु सुवेदीले गरेकी थिइन् ।