पोखरा । माझठाना पोखरा सम्पर्क समाजद्वारा प्रकाशित नयाँ वर्ष २०७९ को शुभकामना आदान प्रदान तथा भित्तेपात्रो लोकार्पण गरिएको छ ।

समाजका संरक्षक एवं ज्येष्ठ नागरिक गंगादेवी लामिछानेले पोखरामा आयोजित एक समारोहमा भित्तेपात्रो लोकार्पण गर्दै नयाँ वर्षले सबैमा सुख, शान्ति, समृद्धि, सुस्वास्थ्य र दीर्घायुको कामना गरिन् ।

माझठानाको टारी, बेगनासताल लगायत सो क्षेत्रमा भए गरेका विकास निर्माण, महत्वपूर्ण प्राकृतिक सम्पदा तथा धार्मिक क्षेत्रलाई प्रकाशित भित्तेपात्रोमा समेटिएको समाजका अध्यक्ष दयाराम तिवारीले जानकारी दिए । यस्तै सौर्यस्थित मनकामना मन्दिर, किरातेश्व महादेव बसाहढुंगा, स्याङखुदीस्थित शिव मन्दिर, पात्ले देउराली शिव मन्दिरका तस्बिर समावेश गरिनुका साथै संस्थाले १ वर्षको अवधिमा गरेका गतिविधि समेत समेटिएको उनको भनाइ छ ।

लोकार्पण कार्यक्रममा समाजका संस्थापक अध्यक्ष श्रीकृष्ण लामिछाने र निवर्तमान अध्यक्ष दुर्गादत्त भुर्तेल, समितिका उपाध्यक्षद्वय शारदा लामिछाने र भोलानाथ ओझा, सचिव रामकृष्ण तिवारीलगायतले समाजले सबैलाई समेट्दै माझठानाको विकास निर्माणमा जोड दिनुपर्ने बताए ।