पोखरा । नेपालकेशरी डा. मणिभद्र मुनिजी महाराजको सर्वोदय शान्ति पदयात्रा पश्चिम महाकालीको महेन्द्रनगरको गड्डाचौकीबाट भारततर्फ प्रस्थान गरेको छ ।

विदाइ कार्यक्रममा प्रदेश प्रमुख देवराज जोशीले साँधुसन्तले टेकेको यो भूमि पनि तीर्थ हुने कुरा व्यक्त गर्दै यात्रा सफलताको कामना गरे ।

पूर्व प्रधानन्यायाधीश गोपाल पराजुलीले सर्वोदय शान्ति पदयात्रा गर्दै सबैको उदयको लागि कामना गरे । नेपालबाट बिदाइ भए पनि छिट्टै फेरि स्वागत गर्न पाउँ भनी सदीक्षा व्यक्त गरे । उनले हिन्दू राष्ट्र बनाउन पहिला भारतबाट सुरु गर्न भारतका प्रधानमन्त्री नरेन्द्र मोदीलाई खबर पठाउन मुनिजीलाई अनुरोध गरे ।

मानव मिलन संस्था तथा धनगढी जैन समाजका अध्यक्ष सम्पतलाल छाडेडको अध्यक्षतामा भएको कार्यक्रममा नेपाली कांग्रेसका केन्द्रीय सदस्य एनपि साउद, हिन्दू स्वयंसेवक संघका संचालक पूर्व एआईजी कल्याण तिमिल्सिना, कार्यक्रम संयोजक शंकर पाण्डे लगायतले शुभकामना व्यक्त गरेका थिए । कार्यक्रममा विश्व हिन्दू महासंघका उपाध्यक्ष जोस्ना साउतले स्वागत र मानव मिलन अन्तर्राष्ट्रिय महिला सचिव सावित्री शर्माले संचालन गरेकी थिइन् ।