पोखरा । सुरक्षा पालुवा बचत तथा ऋण सहकारी संस्था लिमिटेडले ६५ औं सहकारी दिवसको अवसरमा महिलाका लागि निशुल्क स्वास्थ्य शिविर गरेको छ ।

सहकारीको हाल सञ्चालनमा रहेका ५ सेवा केन्द्र मध्य ग्रामीण भेकमा रहेको पुँडीटार सेवा केन्द्रको आसपासमा बसोबास गर्ने महिला लक्षित सञ्चालित शिविरमा ८० बढी महिलाले स्वास्थ्य परीक्षण गराएका थिए ।

पोखरा ३३ अध्यक्ष शिवप्रसाद आचार्यले यस सहकारी संस्थाले सदस्य समर्पित कार्यक्रम गर्दै आएको र यस्ता खालका कार्यक्रमले सदस्यहरुको मनोबल उच्च पार्ने र संस्थाप्रति अझ बढी समर्पित हुने बताए ।

समाजसेवी रामचन्द्र अधिकारीले शिविर आयोजना गरेकोमा सहकारीलाई धन्यवाद दिँदै यस्ता कार्यक्रमहरुको निरन्तरताको अपेक्षासहित कार्यक्रम सफलताको शुभकामना व्यक्त गरे ।

शिविर सञ्चालन उप–समितिका संयोजक सुन्दरमणि दाहालको अध्यक्षतामा भएको भएको कार्यक्रममा सहसचिव सतीश लामिछानेले स्वागत र सञ्चालन सचिव यज्ञप्रसाद आचार्यले गरेका थिए ।