पोखरा । १५ औं संस्करणको बिटी कप पाँचौ वीरेन स्मृति सेभेन ए साइड फुटबल प्रतियोगितामा शनिबार ९ खेल भए ।
बुद्धटोल युवा क्बलको आयोजनामा पुरानो टँुडिखेलमा जारी प्रतियोगिताको पहिलो खेलमा हेमजा युवा क्लबलाई हेमजा युनाइटेडले ४–१ गोलअन्तरले हरायो । उसको जीतमा मनीष थापाले प्रतियोगिताकै पहिलो ह्याट्रिक गरे भने सुमन सुनारले १ गोलको योगदान दिए ।
बिटी क्लब अध्यक्ष विजया गुरुङका अनुसार आयोजक सेतो र हिमालयन मेलवर्नबीचको दोस्रो खेल निर्धारित समयमा १–१ गोलको बराबरीमा सकिएपछि टाइब्रेकरमा २–१ गोलअन्तरले आयोजक सेतो विजयी बन्यो ।
तेस्रो खेलमा ताङ्बे एफसीलाई पाटन एफसीले २–१ गोलअन्तरले पराजित गर्दै दोस्रो चरणमा प्रवेश ग¥यो । जीतमा दीपु गुरुङ र सफल आचार्यले समान १ गोलको योगदान दिए । ताङ्वे एफसीको तर्फबाट दुर्गा थापाले सान्त्वना गोल फर्काए । चौथो खेलमा सराङ्कोट सेवा समितिलाई सिम्पानी एफसीले ४–० को फराकिलो गोलअन्तरले सहज जित निकाल्यो । सिम्पानीको जीतमा सगुन शर्माले ४ गोल गरे ।
पाँचौ खेलमा कमल पोखरी एफसीलाई मसिना एफसीले ३–० गोल अन्तरले सहजै पराजित गर्‍यो । जीतमा दीपेश श्रेष्ठ, सिद्धान्त गुरुङ र प्रताप गुरुङले समान १/१ गोल गरे ।
छैटौं खेलमा तारा एफसीले वाकओभर पायो । सातौं खेलमा लालीगुँरास क्लब धम्पुसले सार्दीखोला एफसीलाई २–१ गोलअन्तरले हरायो । धम्पुसको जीतमा नितस गुरुङ र दीपेश क्षत्रीले समान १ गोल गरे। सार्दीखोलातर्फबाट वीरेन्द्र भुजेलले सान्त्वना गोल फर्काए ।
आठौं खेलमा हाम्रो एफसीले याम्दी एफसीलाई ४–१ गोलअन्तरले सहज जीत निकाल्यो । जीतमा तुनतुन गुरुङले ह्याट्रिक गर्दा सहिल गुरुङले १ गोलको योगदान दिए । याम्दीको लागि शिव पुनले सान्त्वना १ गोल फर्काए ।
अन्तिम खेलमा आयोजक हरियोलाई रफ गाइजले १–० गोलअन्तरले संघर्षपूर्ण जीत निकाल्यो । रफ गाइजको जीतमा प्रिसन गुरुङले निर्णायक गोल गरेका थिए । आइतबारसमेत पहिलो चरणकै ९ खेल सञ्चालन हुनेछ । विजेताले १ लाख ५१ हजार र उपविजेताले ९१ हजार १ सय रुपैयाँसहित सिल्ड, मेडल र प्रमाणपत्र पाउने छन् । सर्वाेत्कृष्ट हुने खेलाडीलाई ट्रफीसहित ७ हजारद्वारा पुरस्कृत गरिनेछ ।
उत्कृष्ट गोलरक्षक, डिफेन्डर, मिडफिल्डर र सर्वाधिक गोलकर्तालाई समान ५ हजार रुपैयाँ र ट्रफी प्रदान गरिने छ भने अनुशासित टिमलाई ८ हजार र ट्रफी प्रदान गरिने छ आयोजकले जनाएको छ ।