पोखरा । पोखरा ८, शान्तिमार्गस्थित सिर्जना मावि कक्षा ११ र १२ मा अध्ययनरत विद्यार्थीहरुबीच स्पोर्टस् मिट भएको छ । विज्ञान तथा व्यवस्थापन समूहका विद्यार्थी बीच बिहीबार फुटसल प्रतियोगिता भएको छ ।
विद्यालयका कक्षा ११ र १२ मा अध्यापनरत शिक्षक सूर्य गिरी फुटसल संयोजक तोकिएका थिए । भाटभटेनी सुपरमार्केटको फुटसल खेल मैदानमा प्रतियोगिता भएको थियो । सो प्रतियोगितामा छात्रतर्फ ९ र छात्रातर्फ ३ गरी १२ समूह सहभागी थिए । कक्षा १२ व्यवस्थापन संकाय सेक्सन ‘ग’ को समूहले छात्रातर्फ प्रथम स्थान हासिल गर्न सफल भएको छ भने छात्रतर्फ कक्षा ११ सेक्सन ‘ख’ ले प्रथम स्थान हासिल गरेको छ ।