पोखरा । अम्बिका फाउण्डेसन पोखरा–४ ले बुधबार पोखरा ३१, बेगनासमा निशुल्क स्वास्थ्य शिविर गरेको छ ।
स्थानीय आनन्दज्योति माविमा भएको शिविरमा २ सय ३२ जना विद्यार्थी, २३ जना शिक्षक एवं कर्मचारुी एवं २५ जना अभिभावकले निशुल्क स्वास्थ्य परीक्षण गराएका थिए ।
शिविरमा जुकाको औषधी, जीवनजल, सेनेटरी प्याड लगायत स्वास्थ्य सामग्री वितरण गरिएको थियो । विद्यालय प्रअ शिवराज अधिकारीको अध्यक्षतामा भएको कार्यक्रममा फाउण्डेसन अध्यक्ष भागवत् नेपालको विशेष आतिथ्यता थियो । साथै फाउण्डेसनका ८ जना फाउण्डरको पनि उपस्थिति थियो । कार्यक्रम संचालन शिक्षक वसन्त पहारीले गरेका थिए ।
कार्यक्रममा फाउण्डशनका को–फाउण्डर अम्बिका नेपालले आगामी सत्रमा १६ जना सीमान्तकृत वर्गका विद्यार्थीलाई स्कुल ड्रेस, स्टेसनरी सामग्री प्रदान गरिने प्रतिबद्धता व्यक्त गरिन् । कार्यक्रमका सहयोगी संस्थामा सम्झना सामाजिक सेवा समिति कास्की, नारी सेवा समिति र लायन्स क्लब अफ पोखरा अर्पन रहेका छन् ।