पोखरा । डायनामिक पब्लिक लाइब्रेरी (डिपिएल) नेपालको दोस्रो राष्ट्रिय अधिवेशन पोखरामा भएको छ । अधिवेशनबाट सन्दीप न्यौपानेलाई अध्यक्ष चयन गरेको छ । नयाँ समितिको उपाध्यक्ष प्रदीप शर्मा बराल, महिला उपाध्यक्ष लक्ष्मी न्यौपाने, महासचिव प्रवीन पाठक र कोषाध्यक्ष रुदिना भट्टराई चयन भए ।

सदस्यहरु शिव पराजुली, सरोज गुरागाईं, आशीष न्यौपाने चयन भए । समितिका अन्य सदस्यहरु पछि मनोनीत गरिने डिपिएलले जनाएको छ । अधिवेशनले कानुनी सल्लाहकार राजीब खनाल चयन गरेको छ ।

यसअघि भएकोे कार्यक्रममा गण्डकी प्रदेशका मुख्यमन्त्री कृष्णचन्द्र नेपाली पोखरेल, सामाजिक अभियन्ता कर्ण शाक्य, महेश दाहाल, सुभाषचन्द्र भट्टराई, मानवअधिकारकर्मी मुस्कान खातुन, डिपिएलका संस्थापक अध्यक्ष भेषराज न्यौपानेलगायत उपस्थित थिए ।
डिपिएल २०२१ का अध्यक्ष विनोद उप्रेतीको अध्यक्षतामा भएको कार्यक्रममा डिपिएल युथ बोर्ड गण्डकीका अध्यक्ष वसन्त गिरीले स्वागत र सुशील नेपाली सञ्चालन गरेका थिए ।
डिपिएल नेपाल झापाको दमक नगरपालिकामा ९ वर्ष अघि स्थापना भएको संस्था हो । संस्थामा नेपालभर ७ हजार सदस्य रहेको बताइन्छ ।