पोखरा । लागु औषधसहित कास्की प्रहरीले एक जनालाई पक्राउ गरेको छ । पक्राउ पर्नेमा महोत्तरीको बर्दीबास घर भइ हाल पोखरा १, सिमपानी बस्ने ३६ वर्षीय चित्रकुमार मर्साङ्गी हुन् ।
प्रहरीले उनलाई पोखरा वडा ४ बाट सोमबार पक्राउ गर्न सफल भएको कास्की प्रहरी प्रवक्ता डिएसपी सुन्दर तिवारीले जानकारी दिए ।
उनको साथबाट प्रहरीले लागु औषध डाइजेपाम ६२ एम्पुल, फेनेरागन ६९ एम्पुल र नुर्फिन ३८ एम्पुल गरी कुल १ सय ६९ एम्पुल बरामद गरेको जनाएको छ । चित्रकुमार विरुद्ध कास्की जिल्ला अदालतबाट ५ दिनको म्याद थप अनुमति लिई अनुसन्धान जारी रहेको डिएसपी तिवारीले बताए ।