पोखरा । कास्कीको मादी ८, पोसीस्थित दीपज्योति क्लबले आयोजना गरेको प्रथम सिद्धबाबा कप उपाधि एलवाइसी भाचोक ‘ए’ क्लबले हात पारेको छ ।

दीपज्योति क्लबको खेल मैदानमा भएको सेभेन ए साइड प्रतियोगिताको फाइनलमा एलवाइसी भाचोक ‘बि’ लाई ३–२ ले पराजित गरेको हो । विजयीले ४० हजार र उपविजेताले २५ हजार साथमा ट्रफी, मेडल र प्रमाणपत्र प्राप्त गरे ।

प्रतियोगितामा उत्कृष्ट मिडफिल्डर भाचोक ‘ए’ का जीवन गुरुङ, उत्कृष्ट गोल किपर भाचोक ‘ए’ का विजय गुरुङ, उत्कृष्ट डिफेन्स भाचोक ‘बि’ का विवेक गुरुङ र उत्कृष्ट गोलकर्ता डेड्ली एफसी सिङ्दीका उपेन गुरुङ घोषित भए । विविध विधाका उत्कृष्ट खेलाडीलाई ट्रफी र प्रमाणपत्र प्रदान गरिएको थियो । डेड्ली एफसी अनुशासित टिम घोषित हुँदै ३ हजारका साथमा ट्रफी र प्रमाणपत्र प्राप्त गरेको आयोजक क्लब अध्यक्ष चुनबहादुर गुरुङले जानकारी दिए ।

कास्कीको मादी र लमजुङका क्होंलासोथर गाउँपालिका तथा पोखरा ३१ बाट गरी २२ टिम सहभागी थिए । चैत ११ देखि १४ सम्म सो प्रतियोगिता चलेको थियो ।