पोखरा । बुद्धटोल युवा क्लबले आयोजनामा १५ औं बिटी कप पाँचौं वीरेन स्मृति सेभेन ‘ए’ साइड फुटबल प्रतियोगिता हुने भएको छ । खुला नकआउट अन्तरक्लब फुटबल प्रतियोगिताको तयारी तीव्र पारिएको क्लबले शनिबार पत्रकार सम्मेलनमा जनाइएको हो ।
पोखरा १, पुरानो टुँडिखेल मैदानमा चैत १८ देखि २४ सम्म सञ्चालन हुने प्रचारप्रसार संयोजक अमृत गुरुङले जानकारी दिए । प्रतियोगिताको विजेताले सिल्ड, मेडल तथा प्रमाणपत्र सहित १ लाख ५१ हजार १ सय ५१ रुपैयाँ प्राप्त गर्नेछ । यस्तै उपविजेताले सिल्ड, मेडल तथा प्रमाणपत्र सहित ९१ हजार १ सय ११ रुपैयाँ पाउँनेछ । सर्वाेत्कृष्टलाई ट्रफि सहित ७ हजारद्वारा पुरस्कृत गरिने उनले जानकारी दिए । संयोजक गुरुङका अनुसार उत्कृष्ट गोलरक्षक, डिफेन्डर, मिडफिल्डर र सर्वाधिक गोलकर्तालाई समान ५/५ हजार रुपैयाँ र ट्रफी प्रदान गरिने छ भने अनुशासित टिमलाई ८ हजार र ट्रफि प्रदान गरिने छ ।
क्लब अध्यक्ष विजया गुरुङले खेलकुदसँगै विभिन्न सामाजिक कार्य गर्दै आएको बताइन् । उनले कोरोना भाइरस महामारीको समयमा विभिन्न स्थानमा स्वास्थ्य सुरक्षाका सामाग्री सहयोग गर्दै सामाजिक उत्तरदायित्व वहन गरेको बताएकी थिइन् । सो प्रतियोगितामा करिब ५० टिमको सहभागिता रहने र प्रतियोगिता सञ्चालनका लागि करिब २० लाख ६५ हजार रुपैयाँ खर्च हुने आयोजकले जनाएको छ ।