दर्श समाज
लेखनाथ । सिभिल बैंकले ग्लोबल मनि वीकको अवसरमा पोखरा–२९ पट्नेरीमा बिहीबार वित्तीय साक्षरता कार्यक्रम गरेको छ ।
नेपाल राष्ट्र बैंक केन्द्रीय कार्यालयका आर्थिक अनुसन्धान विभाग प्रमुख डा. प्रकाशकुमार श्रेष्ठले बचत कसरी गर्ने, किन गर्ने, आधुनिक प्रविधि, बैंक भनेको के हो, बैंकमा जान किन जरुरी छ लगायत समग्र बैंकिङ क्षेत्रबारेमा प्रकाश पारेका थिए ।
नेपाल राष्ट्र बैंक पोखरा कार्यालयका निर्देशक डा.रामशरण खेरलले बचत र यसका फाइदाबारे बताए । सिभिल बैंक गण्डकी प्रदेशका प्रमुख समीर केसीले डिजिटल बैंकिङ प्रणालीको आवश्यकता र यसको प्रयोगबाट हुने फाइदाबारे जानकारी दिए ।
सिभिल बैंक लेखनाथ शाखाका प्रबन्धक नवराज दाहालले विद्युतीय कारोबारका ७ प्रमुख विद्युतीय माध्यम मोबाइल एप, क्युआर कोड, एटिएम, इन्टरनेट बैंकिङ, कनेक्ट आइपिएस, पिओएस र डिजिटल वालेटबारे जानकारी दिए ।
बैंकका प्रदेश प्रमुख समीर केसीको अध्यक्षतामा भएको कार्यक्रमको सञ्चालन लेखनाथ शाखाका प्रबन्धक नवराज दाहालले गरेका थिए । बैंकले देशभर ११५ शाखा, ११ एक्सटेन्सन काउन्टर, ९७ एटिएममार्फत वित्तीय सेवा प्रदान गरिरहेको छ ।