पोखरा । विश्वकै दोस्रो तथा एसियाको पहिलो भनिएको कृषि कर्जा मेला चितवनमा सुरु भएको छ ।
कृषक र कृषिसँग जोडिएका मेला भ्रमणकर्तालाई एकैथलोमा सबै जानकारी लिन सजिलो होस् भन्ने हेतुले आर एन्ड डी इनोभेटिभ सोलुसन प्रालि र नेपाल कृषि मसिनरी व्यवसाय संघले संयुक्त रुपमा चितवनको एक्स्पो सेन्टर भरतपुरमा चैत ९ देखि १२ सम्म यो मेला आयोजना गरेका हुन् ।
कृषि कर्जा मेलामा पोखरा हेमजाको एनएमबि लघुबित्त बित्तीय संस्थाले पनि सहभागिता जनाएको छ ।
संस्थाले आफ्ना ग्राहकलाई कृषिकर्जासम्बन्धी जानकारी गराई कृषि वित्तीय साक्षरता अभिबृद्धि गराउने र कृषि कर्जामैत्री नीति निर्माणमा थप टेवा पुग्ने उद्देश्य साथ उक्त मेलामा वित्तिय संस्थाको तर्फबाट प्रमुख कार्यकारी अधिकृत आनन्द पाण्डेले समेत सहभागिता जनाएका छन् ।
एनएमबि बैंकको सहायक कम्पनीको रुपमा रहेको एनएमबि लघुवित्त बित्तीय संस्था नेपाल राष्ट्र बैंकबाट ‘घ’ वर्गको बित्तीय कारोवार गर्न इजाजतपत्र प्राप्त राष्ट्रिय स्तरको लघुबित्त बित्तीय संस्था हो । संस्थाले देशका सात वटै प्रदेशमा प्रादेशिक कार्यालय सहित ६८ जिल्लाका विभिन्न स्थानमा १ सय ४८ वटा शाखा तथा उपशाखा कार्यालयहरु संचालन गरी करिब १ लाख १९ हजार विपन्न घरपरिवारका सदस्यलाई लघुवित्त सेवा प्रदान गर्दै आएको छ ।