पोखरा । नेपाली कांग्रेस पोखरा ६ इकाइ समितिले बुधबार टोल कार्यसमितिसँग अन्तक्र्रिया एवं छलफल कार्यक्रम गरेको छ ।
स्थानीय निर्वाचनमा टोल कार्यसमितिले गर्नुपर्ने काम, कर्तव्य र टोलस्तरमा भए गरेका अधुरा काम र त्यसको योजना तयार गर्ने उद्देश्यले सो कार्यक्रम गरेको हो ।
चुनावमा पार्टीका उम्मेदवार जिताउन टोलस्तरबाट हुने सहयोग, बुथ कमिटी गठन गर्नुपर्ने र बुथमा रहने व्यक्तिले मतदाताप्रति गर्ने व्यवहारसहित कस्ता उम्मेदवारलाई पार्टीले टिकट दिलाउँदा उम्मेदवारले चुुनाव जित्न सक्छ । पार्टीभित्र एकरुपता ल्याउने, आर्थिक सुशासन कायम गराउने, मतदातासँग समयमै पुग्न ग्यारेन्टीसहित अन्य निकास र समाधानको विषयमा छलफल गरिएको थियो ।
कांग्रेस महाधिवेशन प्रतिनिधि डा.कृष्णप्रसाद पौडेलले ‘घरघरमा जाऔं, कांग्रेसलाई जिताऔं’ भन्ने उद्देश्यले कार्यक्रमको आयोजना गरिएको जानकारी दिंदै टोलमा कांग्रेस मजबुत भएमात्र आफ्ना उम्मेदवारले जित्ने हुँदा पार्टी टोलमुखी हुन आग्रह गरे ।
उम्मेदवार मतदाताको घरदैलोमा पु¥याउने योजना बनाउने उद्देश्यले अन्तक्र्रिया आयोजना गरिएको इकाइ सभापति सन्तोष पौडेलले जानकारी दिए ।
गिरिजाप्रसाद कोइराला टोल समिति सभापति गुरुदत्त कोइरालको अध्यक्षमा भएको कार्यक्रममा सचिव प्रकाश न्यौपाने, पूर्व वडाध्यक्ष होमबहादुर लामिछाने, मिडिया सल्लाहकार गणेश पहारी, सल्लाहकार तेजनारायण पराजुली, सल्लाहकार नेत्रपाणि न्यौपाने, सल्लाहकार जनकलाल श्रेष्ठ, क्षेत्रीय प्रतिनिधि सावित्री तिमिल्सिना, पूर्व क्षेत्रीय उपसभापति मोतिप्रसाद ढुंगाना, प्रदेश प्रतिनिधि लक्ष्मीबहादुर भट्टराई, क्षेत्रीय प्रतिनिधि लोकराज पहारी, चूडामणि अधिकारी र विष्णुप्रसाद पहारी लगायतले अरुको बहकाउमा नलागी कांग्रेसले उठाएका उम्मेदवार जिताउनु पर्नेमा जोड दिए ।