पोखरा । अखिल नेपाल फुटबल संघ (एन्फा) को सहयोग र कास्की जिल्ला फुटबल संघको आयोजनामा पोखरामा कम्युनिटी कोचिङ कोर्स (फुटबल कोर्स) भएको छ । पोखरा रंगशालामा आइतबारदेखि सुरु कोचिङ कोर्ष बुधबार समापन भएको हो ।
सो प्रशिक्षणमा गण्डकीका २७ जना प्रशिक्षकको सहभागिता थियो । उनीहरुलाई प्रशिक्षक संजित सिंह र प्रशिक्षक शम्भु केसीले प्रशिक्षण दिए । प्रशिक्षणको अन्तिम दिन उनीहरुलाई प्रमाणपत्र वितरण गरिएको थियो ।
समापनमा कास्की जिल्ला फुटबल संघ अध्यक्ष मिलन गुरुङले कोचिङ कोर्षले असल खेलाडी उत्पादनमा सहयोग पुग्ने बताए । उनले आफूहरु सधैं फुटबल खेल विकासमा लागेको दाबी गर्दै नेतृत्वले कुराभन्दा काम गर्ने हो भने सबै क्षेत्र राम्रो हुने बताए ।