लेखनाथ । नेपाली कांग्रेसले आसन्न स्थानीय तहको निर्वाचन मध्यनजर गर्दै निर्वाचन क्षेत्र नं १ अन्तर्गत प्रदेश क र ख मा पार्टी कार्यालय स्थापना गरेको छ । पोखरा महानगरको नगर समितिका साथै ११ वटा वडा समिति, रुपा गाउँपालिका समिति एवं पालिकाभित्रका ७ वडा समिति, मादी गाउँपालिका समिति र १२ वटा वडा समितिका कार्यालयहरु एकैसाथ सञ्चालनमा ल्याएको छ ।
सबै कार्यालयहरुको एकसाथ शुभारम्भ गर्दै नेपाली कांग्र्रेस क्षेत्र नं १ का सभापति राजेन्द्रमणि लामिछानेले अबको स्थानीय निर्वाचनका लागि जनताका घर घरमा गई सुसुचित गराउन आग्रह गरे ।
कार्यक्रममा नेपाली कांग्रेस क्षेत्र नं १ का कोषाध्यक्ष अमरबहादुर केसी, नेपाली कांग्रेस पोखरा महानगर समितिका पूर्व कोषाध्यक्ष नारायण पौडेल लगायतले बोलेका थिए भने कार्यक्रम सञ्चालन क्षेत्रीय सहसचिव मोती गिरीले गरेका थिए ।